TANZANIA NA KENYA ZAMALIZA MGOGORO ULIOKUWA UNAENDELEA..

Hatimaye Kenya na Tanzania zimeafikia suluhu ya mgogoro uliokuwa ukiendelea kuhusu agizo lililotolewa kwa kampuni ya ndege ya KQ kupunguza safari zake za ndege nchini Tanzania.Kwa sasa ndege za Kampuni ya KQ kutoka Kenya zitaendelea na safari zake kama ilivyokuwa huku magari ya utalii ya Tanzania yakiruhusiwa kuingia katika uwanja wa ndege wa Jomo Kenyatta jijini Nairobi.Viongozi wa mataifa haya mawili Jakaya Kikwete na mwenzake Uhuru Kenyatta waliafikiana katika mkutano nchini Namibia

Akizungumza na waandishi wa habari waziri wa mambo ya nje wa Tanzania Bernald Membe amesema uamuzi huo umefikiwa baada ya viongozi hao wakuu wa nchi hizo mbili kukutana nchini Namibia walikokwenda kuhudhuria maadhimisho ya miaka 25 ya uhuru wa Namibia.

Makubaliano ya marais hao yanakuja siku chache baada ya mzungumzo ya mawaziri wa utalii wa Tanzania na Kenya kuvunjika mwishoni mwa wiki kufuatia pande hizo mbili kushindwa kufikia muafaka kuhusu magari ya Tanzania yaliyopigwa marufuku uwanja wa Jomo Kenyatta.