Kiongozi wa waasi afungwa jela nchini Kongo DRC

Mahakama ya kijeshi ya Kinshasa, mji mkuu wa Jamhuri ya Kidemokrasia ya Kongo imemuhukumu kifungo jela kiongozi mmoja wa waasi nchini humo. Jenerali Jérôme Kakwavu ambaye ni mmoja wa viongozi wa zamani wa waasi nchini humo, alihukumiwa jana na mahakama ya mji huo kifungo cha miaka 10 jela, kwa tuhuma ya kutenda jinai za kivita wakati akiwa kiongozi wa waasi. Mahakama ya kijeshi ya mji huo imeeleza kuwa, Jenerali Jérôme alishitakiwa kwa kufanya ukatili dhidi ya binaadamu, mauaji na mateso. Habari zinasema kuwa, Jérôme alifanya jinai hizo mwaka 2003 na 2004 wakati alipokuwa kiongozi wa waasi katika mkoa wa Ituri, kaskazini mashariki mwa Jamhuri ya Kidemokrasia ya Kongo. Katika upande mwengine askari wa serikali ya Kongo kwa kushirikiana na wale wa kulinda amani wa Umoja wa Mataifa MONUSCO, wameendelea na operesheni za kuwatia mbaroni watuhumiwa wa mauaji ya hivi karibuni mashariki mwa nchi hiyo.teharan