UN: Ugonjwa wa Ebola utadhibitiwa lakinii......................hadi mwakani

Umoja wa Mataifa umetangaza kuwa, virusi vya ugonjwa hatari wa Ebola, vitadhibitiwa kikamilifu kufikia mwaka ujao wa 2015. Umoja huo umesema, miezi michache ijayo kunaweza kushuhudiwa kupungua maambukizi ya ugonjwa huo. Mratibu wa Umoja wa Mataifa katika masuala ya Ebola, David Nabarro, amesema hayo na kuongeza hata hivyo kuwa, bado hali ya mambo ni mbaya mno na kwamba jamii ya kimataifa inatakiwa kujiandaa kukabiliana vikali na maradhi hayo kila pale kutakaporipotiwa mwathirika wa Ebola. Ametaka kuongezwa juhudi maradufu katika kupambana na ugonjwa huo hatari na kuonya kuwa, ikiwa jamii ya kimataifa haitotoa ushirikiano wa maana katika suala hilo, basi nchi zote za dunia zitalazimika kupambana na virusi vya Ebola kwa miaka yote, suala ambalo litagharimu maisha ya watu wengi duniani. Kwa mujibu wa Shirika la Afya Duniani (WHO), hadi sasa watu elfu 13 na 567 wamekwishaambukizwa virusi vya Ebola, huku watu wengine elfu tano wakiwa tayari wamekwishapoteza maisha yao huko magharibi mwa Afrika.hisani ya radio teharan