Zida: Tunaweza kukabidhi madaraka ndani ya wiki 2

Jeshi la Burkina Faso ambalo linadhibti nchi hiyo kufuatia kujiuzulu Blaise Compaore, Rais aliyeshikilia madaraka ya nchi hiyo kwa muda mrefu,

limesema kuwa hatua ya kukabidhi madaraka inawezekana kutekelezwa katika muda wa wiki mbili.

   Luteni Kanali Isaac Yacouba Zida, Kaimu Rais wa Burkina Faso amesema kuwa hakuna sababu ya kutoweza kukabidhi madaraka kutoka utawala wa kijeshi katika kipindi cha wiki mbili, iwapo kila mmoja ataafiki suala hilo. Jumamosi iliyopita, jeshi la Burkina Fasoo lilimteua Luteni Kanali Zida Naibu Kamanda wa kikosi cha ulinzi wa Rais kuongoza kipindi cha mpito.

Zida amesema kuwa Burkina Faso itaongozwa na kikosi cha mpito katika fremu ya katiba na kusisitiza kuwa mamlaka hiyo ya utawala ilipasa kuongozwa na kiongozi aliyechaguliwa na makundi yote ya jamii